Fundur Alþjóðastofu á Akureyri 18.04.2007. Um innflytjendamál.

Ég sat þennann fund sem frambjóðandi Frjálslyndaflokksins og átti hann að fjalla um innflytjendamál, en það var tekinn dágóður tími til að rakka niður FF og frambjóðendur hans eins og Jón Magnússon og Magnús Þór Hafsteinsson sem mér fannst að hefði átt að vera fyrir neðan virðingu lektorana skólagegnu sem voru að láta ljós sitt skína á ósmekklegan hátt að þeim fjarstöddum. Þannig að þeir gátu ekki borið hönd yfir höfuð sér. Svona smekkleysa ber ekki vott um mikla menntun hjá þeim því sagt er að menntun eyði fordómum. Plataði ég einn þeirra með því að segja við hann að ég ætlaði að þakka honum fyrir málefnalega umræðu um flokkinn minn og kokgleypti hann það og sagðist nú ekki hafa verið að hæla flokknum  hann hélt greinilega að ég hefði ekki skilið ómerkilegheitin í honum. Þessi sami setti sig á háan hest og taldi að þeir sem ekki skrifuðu rétt og hefðu ekki kommur og punkta í lagi hefðu ekkert inn á bloggið að gera. Ef þetta telst ekki að líta niður á fólk þá veit ég ekki hvað það er. En ég segi látið ekki svona hrokagikki hræða ykkur frá því að blogga þeir eiga engann rétt um fram aðra að gera það.

Það kom fram þarna að það eru 120 þjóðarbrot  á Íslandi og ansi margt sem þarf að bæta til  að hægt sé að segja að hlutirnir séu í lagi.  Svo sem ónóg íslenskukennsla. Nýbúi taldi sig ekki vera tekinn með í félagslífið í skólanum, átti erfitt með að hjálpa barninu  með heimanám. Hinsvegar var ekki verið að fjalla um það sem máli skipti fyrir fólkið svo sem húsnæðismál. Börn vantar enn kennitölur , kennslan engan veginn viðunandi fyrir börnin í skólunum, nýbúar að vinna á elliheimilum mállausir, sem er óvirðing bæði við þá og gamla fólkið að geta ekki haft eðlileg samskipti svo eitthvað sé talið .

 

Svo var alveg frábært að það var verið að hnýta í okkur að við segðum "þetta fólk", en svo henti það bæði konuna sem stóð fyrir þessu að segja "þetta fólk" og líka aðra konu sem gerði ritgerð um flóttafólk að hún sagði ítrekað "þetta fólk" og "þessir krakkar" um börnin þeirra en mér dettur samt ekki í hug að það hafi átt að vera í niðrandi merkingu, ég er ekki svo öfgafull.

Athugasemdir

[Guðrún María Óskarsdóttir., 20.4.2007 kl. 00:41]

Takk fyrir góðan pistil Brynja.

Afskaplega athyglisvert og fróðlegt að fá upplýsingar um framkomu manna á fundum svo sem þessum.

kv.gmaria.

[Sigurjón Þórðarson, 21.4.2007 kl. 11:51]

Það verður á stundum grátbroslegt að fylgjast með fordómafullu fólki fjalla um meinta fordóma annarra. Ég hef heyrt að einn þeirra sem hafi verið með fordóma í garð FF hafi verið rektor HA .

Ég varð leiður yfir því að hann fallið í þá gryfu en ég hafði nokkrar mætur á Þorsteini.

[Eiríkur Guðmundsson, 22.4.2007 kl. 02:09]

ég vil kalla þetta menntahroka, fólk sem er með háskólapróf  virðist ekki geta tekið þátt í umræðu sem þessari með alvöru. Þetta á einnig, því miður, um flesta þáttastjórnendur í íslensku sjónvarpi í dag

[Rannveig H, 24.4.2007 kl. 12:38]

Hrokinn á sé mörg andlit,og í boði hanns fáum við dónaskap,fordóma ,og almenn leiðindi en oftast skilar hann sér til föðurhúsana aftur.

[Einar Ben, 28.4.2007 kl. 17:21]

Brynja, ég gerðist svo grófur að copy peista þennan pistil yfir á bloggið mitt, vona að það sé í lagi.

Það er amk. ekki í lagi með "þessa (mennta) menn"

kv. af skaga.

[Baldur (IP-tala skráð) 28.4.2007 kl. 23:37]

Sæl, 

Það er vel skiljanlegt að þegar fólk verður fyrir ósmekklegum árásum að því líki ílla. Miðað við það sem þú hefur skrifað hér að ofan og að því gefnu að rétt sé þá skil ég vel að þú skulir ekki gefa þessum aðilum  góða dóma.

En hitt er svo annað mál, að tengja framkomu manna við menntastig þeirra er fráleitt. Persónulega veit ég ekki til þess að neinar kannanir séu til sem bendi til þess að menntun stórauki hroka. Ef einstaklingur er menntaður og auk þess hrokafullur þá held ég að það sé óhætt að segja að viðkomandi hafi einnig verið hrokafullur áður en til menntunar kom. Ég hef tekið eftir því að því lengra sem ég hef farið í námi þá virðist mannasiðum mínum og framkomu hafi farið stórlega aftur. Margsinnis hef ég verið sakaður um menntahroka fyrir það eitt að hafa aðrar skoðanir. Þetta er eitthvað sem ég hef ekki skilið, það skildi þó aldrei vera að til sé eitthvað sem hægt væri að kalla Ómenntahroka?

Talandi um fordóma, það er ekki bara svo að greinin sé fordómafull út í menntafólk heldur er þær athugasemdir sem birtast það einnig.

Sigurjón, leitt að þú hafir tapað virðingunni fyrir Þorsteini, án þess að vita hvort hann sagði eitthvað heldur hefurðu heyrt að hann hafi verið "einn þeirra"

Eiríkur, þvílík alhæfing, dæmir sig sjálf, en þú ert varla viðræðuhæfur með svona fordóma gagnvart háskólafólki. Leyfi mér að kalla þetta ómenntahroka.

Hanna Birna, þeir kalla sig ekki sérfræðinga, þeir eru sérfræðingar. Þeir hafa áunnið sér þau réttindi, óháð skoðunum sínum eða þínu mati á framkomu þeirra.

Ég var einn þeirra sem taldi FF í fullum rétti með sín mál og þar væru fordómar ekki í ökumannssætinu, eftir lestur þessarar greinar og viðbrögðin þá má svo sannarlega draga það í efa.  

[Brynja Hlíf Þorsteinsdóttir, 28.4.2007 kl. 23:47]

Sæl verið þið Einar og Hanna..Það er í góðu lagi Einar að copy peista pistilinn. Hanna!  Rektor Háskólans á Akureyri, Þorsteinn Gunnarsson ,sagði í sinni ræðu að við værum að sjúkdóma- og glæpavæða umræðuna um innflytjendur. Páll Björnsson sagnfræðingur og lektor við sama háskóla tók fyrir blogg Jóns Magnússonar og Magnúsar Þórs, og finnst mér að það hefði verið skemmtilegri vinnubrögð að bjóða þeim á þennan fund til að þeir gætu útskýrt hvað þeir væru að meina með orðum sínum heldur en að vera túlka það að þeim fjarstöddum. Frekar smekklaust það. Bar hans fyrirlestur nafnið, "að ógna Íslandi  og Íslendingum".

Anna Guðný Guðmundsdóttir verkefnisstjóri Alþjóðastofu á Akureyri vildi meina að Magnús Þór hefði viðhaft einhver svakaleg ummæli um innflytjendur á einhverjum fundi á Vestfjörðum sem ég hafði reyndar ekkert heyrt um. Ég svaraði henni því að við í Frjálslynda flokknum mættum hafa sjálfstæðar skoðanir. Þá sagði hún ef þetta eru ekki skoðanir flokksins þá hefði hann ekki átt að vera merktur flokknum. Það er alveg merkilegt hvað fólk getur lagst lágt í því að vera snúa útúr okkar umræðum um þessi mál og vera heimfæra sínar hugsanir upp á okkur, því máltækið segir þú ert það sem þú hugsar.kv Brynja.